Alioski reagoi pas përplasjes me futbollistin shqiptar: U sqaruam dhe më kërkoi falje

Para disa ditësh dy futbollistët u përplasën verbalisht, ku fjalia “Të q**** mamanë shqiptare” tërhoqi vëmendjen. Ishte Marko Arnautoviç që shau Ekzgjan Alioski, në fundin e ndeshjes Austri-Maqedoni e Veriut.

Pas shumë zërave dhe diskutimeve për këtë çështje, Alioski për mediat tregoi vazhdimin e debatit. “Në ndeshje të tilla është normale që lojtarët të përjetojnë tension dhe të dalin nga kontrolli, por më e bukura është kur në fund sqarohet gjithçka dhe pajtohesh. Unë me Arnautoviç folëm pas ndeshjes dhe u sqaruam, pasi më kërkoi ndjesë dhe erdhi edhe në dhomën tonë e më dha dorën, duke u treguar shumë fair.

Nuk e kam dëgjuar çfarë ka thënë, pasi po festonin tifozët, por folëm në gjermanisht pas ndeshjes dhe u pajtuam pas ndeshjes. Është diçka që ndodh, pasi në ndeshje të kapin emocionet në ndeshje, por më e mira është kur sqarohet gjithçka”, deklaroi Alioski.