Studimi qetëson gratë shtatëzanë: Pfizer dhe Moderna nuk përbëjnë rrezik

Një studim i publikuar së fundmi në New England Journal of Medicine ka treguar se vaksinat Pfizer / BioNTech dhe Moderna nuk janë rrezik për gratë shtatëzanë. Studimi i ri rishikoi të dhëna për 35,691 persona nga 14 dhjetori 2020 deri më 28 shkurt 2021 dhe të gjithë pjesëmarrësit ishin shtatzënë dhe në moshën prej 16 deri 54 vjeç. Në punën e tyre, studiuesit, ndoqën një grup brenda sistemit të sigurt për të mbledhur më shumë të dhëna për rezultatet dhe ndërlikimet e shtatzënisë.

Ky regjistër përfshinte 3,958 pjesëmarrës shtatzënë, nga 35,691 të cilët kishin marrë një vaksinë mARN. Ata gjetën 827 shtatzëni të përfunduara, 115 (13.9 për qind) përjetuan një dështim të shtatzënisë, ndërsa 712 (86.1 për qind) rezultuan me lindje të gjallë. Lindjet e parakohshme kanë ndodhur në 9.4 për qind të pjesëmarrësve dhe vetëm 3.2 për qind e këtyre lindjeve ishin në moshë të vogël të shtatzënisë. Nuk ishte raportuar asnjë vdekje neonatale.

Studimi gjithashtu shqyrtoi efektet anësore të vaksinës gjatë shtatzënisë. Studiuesit zbuluan se efekti anësor më i zakonshëm nga vaksina ishte dhimbja në vendin e injeksionit, e cila dukej se ndodhte më shpesh tek marrësit e vaksinave që ishin shtatzënë. Sidoqoftë, dhimbja e kokës, dhimbjet e muskujve, dridhjet dhe ethet u raportuan më rrallë nga njerëzit shtatzënë.

Studiuesit thonë se më shumë studime afatgjata janë të nevojshme për të vlerësuar sigurinë e vaksinës antiCOVID-19 gjatë shtatzënisë dhe se ky hulumtim duhet të përfshijë ndjekjen e një popullsie të madhe të cilët vaksinohen herët në shtatzëni.