Luftë e hapur për 'pushtimin' e hapësirës, Kina planifikon të dërgojë një robot tjetër në Hënë

Kina do të çojë robotin tjetër në Hënë në vitin2024 dhe do të bartë pajisje nga Franca, Suedia, Rusia dhe Italia, raporton Xinhua, agjencia zyrtare kineze e lajmeve .

Plani për 'Chang'e 6' është që të ulet afër polit të jugut në Hënë dhe të mbledhë mostra para se të kthehet në Tokë, tha sot shefi i programit Hu Hao, raporton Reuters.

Chang'e 6 është pjesë e eksplorimit kinez të hapësirës, ​​i cili gjithashtu planifikon të ulë një rover robot në Mars. Ekzistojnë gjithashtu plane për një stacion orbital me njerëz, uljen e një njeriu në hënë dhe marrjen e mostrave nga asteroidi, raporton Tanjug.

Në dhjetor, në një mision të mëparshëm në hënë, Chang'e 5 ktheu mostrat hënore në Tokë, gjë që ndodhi për herë të parë që nga 1970.

"Chang'e 6 do të mbledhë mostra hënore automatikisht për analiza dhe kërkime," tha Hu.