Thyen rekordin historik në Spotify/ Albumi debutues i Dua Lipës hyn në elitën botërore (FOTO)

Këngëtarja me origjinë shqiptare, Dua Lipa, vijon të shkruajë histori në industrinë muzikore ndërkombëtare, duke arritur një tjetër sukses në platformën Spotify.

Albumi i saj debutues ka arritur shifra rekord dëgjimesh, duke kaluar miliarda “streams” dhe duke u renditur mes albumeve më të dëgjuara në historinë e platformës. Ky sukses e vendos artisten në një nivel tjetër, duke konfirmuar ndikimin e saj global në muzikën pop.

Sipas raportimeve, projekti i saj i parë muzikor ka kaluar pragun e mbi 10 miliardë dëgjimeve, duke e bërë Dua Lipën një nga artistet e rralla që arrijnë një rekord të tillë në Spotify.

Me këtë arritje, ajo futet në histori si një ndër artistet femra më të suksesshme në platformë, ndërsa albumi i saj mbetet një nga më të dëgjuarit në nivel global.

Ky sukses vjen si pjesë e një serie rekordesh që këngëtarja ka vendosur ndër vite, duke u shndërruar në një nga figurat më të rëndësishme të muzikës moderne dhe një nga emrat më të fuqishëm në tregun ndërkombëtar.