Sot do festonte 27-vjetorin, Barbana i shkruan Ergit: Sa mall për ty, dhimbja ime më e madhe

Sot Ergi Dini do festonte 27-vjetorin e lindjes, nëse nuk do ishte aksidenti i rëndë 5 vite më parë që i mori jetën. Në këtë ditë, motra e tij, Barbana nuk ka munguar pa një urim. Ajo ka publikuar në Instagram një foto të Ergit, ndërsa ka zgjedhur fjalët më prekëse për të.

“Sot është dita jote e lindjes, do bëheshe 27 vjeç! Nuk gjej dot fjalë ta shpreh se sa shumë mall kam për ty Ergi! Nuk ka moment që nuk të kam në mendje…Koha kalon, malli shtohet e fjalët pakësohen, sepse nuk kanë më vlerë…

Festo me ëngjëjt, ëngjëlli im, dhimbja ime më e madhe……………..”, shkruan ajo. Ndërkohë kujtojmë se 2 vite më parë,, në 25 vjetorin e Ergit, Barbana përmbushi amanetin e tij, duke bërë publike një këngë që ai e kishte lënë përgjysmë.

Kënga me titull “Ku je” erdhi si një homazh për artistin, i cili e kishte punuar vetë një pjesë të tekstit para se të ndërronte jetë.