Jeta e Kylie Jenner dhe vajzës së saj është në rrezik, u kërkua ndërhyrja e menjëhershme e gjykatës

Blogerja Kylie Jenner nuk është më e sigurt për jetën e saj. Mediat amerikane shkruajnë se e vogla e familjes Kardashian- Jenner ka kërkuar mbrojtje nga gjykata, pasi një 27-vjeçar hyri në vilën e saj pa leje. Në kërkesën që i bëri gjykatës, Kylie bën me dije se nuk ndihet e sigurt për vete dhe për vajzën e saj.

Megjithatë gjykata vendosi që Shaquan King duhet të qëndrojë të paktën 90 metra larg miliarderes për 3 vitet e ardhshme. Gjithashtu ai nuk duhet t’i afrohet nënës së saj, Kris Jenner dhe motës, Kendall, në banesën e së cilës, King hyri gjithashtu.

TMZ shkruan se i riu u arrestua në fund të marsit pasi policia e gjeti duke u larë nudo në pishinën e supermodeles Kendall Jenner. Ai qëndroi në burg për 6 orë dhe më pas u lirua sërish. Dhe tani, sipas urdhrit të gjykatës, 27-vjeçari nuk duhet të kontaktojë me femrat Jenner “në mënyrë direkte ose indirekte, në çfarëdo mënyre apo forme”.