Don Xhoni dhe shokët e tij sulmojnë me armë zjarri producentin e njohur! Pasi e dhunuan, i dëmtuan edhe automjetin

Reperi i njohur Don Xhoni, së bashku me vëllain e tij dhe disa shokë, dyshohet se kanë sulmuar producentin Shkumbin Nebihu, i njohur me emrin artistik Bini Diez.

Sipas raportimeve të mediave të Kosovës, incidenti ka ndodhur në rrethana ende të paqarta, ku edhe siç thuhet është përdorur edhe arma e zjarrit.

Nga informacionet paraprake, grupi i reperit ka goditur Nebihun dhe ka shkaktuar dëme në automjetin e tij.

Detajet mbi motivet dhe rrethanat që çuan në konflikt ende nuk janë bërë publike. Policia e Kosovës nuk ka dhënë ende informacione të plota mbi ngjarjen dhe autoritetet pritet të sqarojnë nëse ka arrestime, dëme materiale të tjera apo lëndime më serioze.