Shënjestrohet lideri i Hamasit, vijojnë sulmet izraelite në Gaza, humbin jetën pesë persona

Bota

Shënjestrohet lideri i Hamasit, vijojnë sulmet izraelite në Gaza,
Pesë persona, përfshirë katër gra, humbën jetën në një sulm izraelit ndaj një ndërtese banimi në Qytetin e Gazës, raportuan mediat palestineze.

Forcat Mbrojtëse Izraelite (IDF) konfirmuan se kishin kryer sulmin, duke specifikuar se objektivi ishte një figurë e lartë e Hamasit në Rripin e Gazës.

Në mënyrë specifike, IDF tha se objektivi i operacionit ishte Ali al-Amoudi, të cilin e përshkruan si “krahun e djathtë” të Yahya Sinwar, udhëheqësit të Hamasit në Gaza, i cili u vra nga ushtarët izraelitë në tetor 2024. Aktualisht, autoritetet izraelite nuk kanë verifikuar nëse Ali al-Amoudi është vrarë apo plagosur.

Një zëdhënës i IDF tha se Ali al-Amoudi ishte i përfshirë në planifikimin e sulmit të nisur nga Hamasi më 7 tetor 2023, ndaj Izraelit. Ai tha se sulmi u urdhërua pasi u pa në një ndërtesë banimi, duke pretenduar se u provua edhe një herë se Hamasi përdor civilët si mburoja njerëzore.

“Ali al-Amoudi është zyrtari më i lartë i Hamasit në Rripin e Gazës dhe është i përfshirë drejtpërdrejt në aktivitete terroriste, si dhe në përpjekjet për rindërtimin e organizatës. Ai u vu në shënjestër me qëllim eliminimin e kërcënimit”, thuhej në deklaratën e ushtrisë izraelite.

Pesë persona u gjetën të vdekur në ndërtesën që u godit në lagjen Rimal, në pjesën perëndimore të qytetit të Gazës. Një zëdhënës i spitalit Al Shifa i tha AFP-së se ishin konfirmuar 5 viktima, 4 gra dhe një burrë.

Ndërtesa u godit nga dy raketa, duke shkaktuar një zjarr, tha Mahmoud Bassal, një zëdhënës i Agjencisë së Mbrojtjes Civile në Gaza.

 

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion