Qytetarja gris ftesën për dialog te Kryeministria, studentët e Mjekësisë marshojnë drejt Ministrisë së Arsimit

Studentët e Fakultetit të Mjekësisë kanë nisur marshimin drejt Ministrisë së Arsimit, duke dalë në protestë për të kërkuar ndryshime dhe për të shprehur pakënaqësitë e tyre.

Me thirrjen “studentët kërkojmë revolucion”, ata janë mbledhur për të përcjellë mesazhet e tyre dhe për të kërkuar reagim nga institucionet përgjegjëse.

Kujtojmë që prej më shumë se dy javësh studentët kanë bojkotuar mësimin dhe kanë dalë në protestë duke kërkuar dorëheqjen e qeverisë.

Në mbështetje të tyre kanë dalë edhe pedagogët, të cilët janë solidarizuar, duke thënë se do të qëndrojnë në krah të studenteve deri në plotësimin e kërkesave, ku kryesorja është dorëheqja e Edi Ramës.

Ndërkaq një qytetare që është dhe pjesë e protestës, ka grisur ftesat e sotme për dialog të vendosura te Kryeministria nga kreu i Qverisë Edi Rama.