Publikove një Story dhe ndryshove mendje? Instagram sjell mundësinë e re

Teknologji

Publikove një Story dhe ndryshove mendje? Instagram sjell
Instagram ka prezantuar një funksion të ri që do t'u japë përdoruesve mundësinë të modifikojnë Story-t edhe pasi i kanë publikuar, pa pasur nevojë t'i fshijnë dhe t'i postojnë nga e para.

 Lajmin e bëri të ditur drejtuesi i Instagramit, Adam Mosseri, përmes një postimi në llogarinë e tij të mërkurën. Sipas tij, përdoruesit do të mund të ndryshojnë tekstin, muzikën, sticker-at dhe vizatimet deri në 15 minuta pas publikimit, pa humbur shikimet, pëlqimet apo përgjigjet e marra.

Për ta përdorur këtë funksion, mjafton të klikoni ikonën me tri pika në pjesën e poshtme djathtas të Story-t dhe të zgjidhni opsionin e ri “Edit Story”. Kështu, mund të korrigjoni një gabim drejtshkrimor, të hiqni një sticker të vendosur gabimisht ose të shtoni muzikë në sfond, pa e fshirë postimin origjinal. Story-t e modifikuara do të shfaqin etiketën “Edited” në këndin e sipërm djathtas.

Deri më tani, çdo ndryshim kërkonte fshirjen dhe ripublikimin e Story-t, duke rrezikuar humbjen e ndërveprimeve të mbledhura deri në atë moment. Ky përditësim pritet të jetë veçanërisht i dobishëm për krijuesit e përmbajtjes dhe markat, për të cilat çdo shikim dhe reagim ka rëndësi.

Por ky nuk është ndryshimi i vetëm. Instagram po prezanton edhe tri funksione të tjera për Story-t:

Një mënyrë më të thjeshtë për të publikuar disa fotografi: Një opsion i ri Layout do t'i ndihmojë përdoruesit të përzgjedhin dhe organizojnë disa fotografi brenda të njëjtit Story.

Sfondet e përmirësuara: Fotografitë që nuk përputhen plotësisht me përmasat e Story-t do të mund të shfaqen me sfond të ri, duke e bërë paraqitjen më estetike.

Sticker-a me dizajne të reja: Instagram do të sjellë stile të reja me fonte, ngjyra dhe forma të ndryshme, si dhe një mënyrë më të lehtë për t'i shfletuar.

 Sipas njoftimit zyrtar të Instagramit, funksionet e reja kanë nisur të publikohen gradualisht që prej së mërkurës, më 18 nëntor. Kompania e shoqëroi njoftimin me një mesazh të shkurtër: “Ju kërkuat, ne u përgjigjëm.”

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion