Propozimi për martesë në ceremoninë e diplomimit, 23-vjeçarja surprizohet nga partneri para mijëra studentëve

Një histori dashurie dhe diplomimi. Ceremonia e diplomimit të 2182 studentëve në Universitetin Aleksandër Moisiu të Durrësit u kthye në një moment të paharruar për Klarisa Toskën, diplomante në degën e Mësuesisë, Cikël i Ulët.

Mes emocioneve të diplomimit, Krenar Dani i bëri Klarisës, 23-vjeçares së sapodiplomuar, propozimin për martesë, duke e kthyer ditën e saj të veçantë në një kujtim që do ta shoqërojë për gjithë jetën.

Ceremonia e diplomimit në UAMD mbrëmjen e 30 shtatorit u kthye në një moment të paharruar për çiftin që së shpejti pritet të kurorëzojë në martesë dashurinë.