“Zgjedhjet ishin farsë”, Berisha nga Brukseli: Qeveria përdori fondet publike për të blerë vota

Politikë

“Zgjedhjet ishin farsë”, Berisha nga Brukseli: Qeveria

Kreu i Partisë Demokratike, Sali Berisha nga IDU Summit në Bruksel, ka folur për zgjedhjet e 11 majit, ku u shpreh se ‘qeveria përdori fondet publike për të blerë vota’.

Sipas Berishës, ‘zgjedhjet ishin një farsë’, ndërsa bëri thirrje që ‘nëse nuk kthehet vota e lirë, vendi ynë do të zhduket’.

Ndër të tjera kryedemokrati doli për mbylljen e platformës TikTok, bonusin e pensionistëve dhe faljene gjobave për 10 vitet e fundit.

“Qeveria përdori fondet publike për të blerë votat. Ata paguan pensionistët 100 euro si një dhuratë, në mes të fushatës. Dy ditë para zgjedhjeve Rama bëri amnisti për gjobat e 10 viteve të fundit, që janë rreth 200 milionë euro. Punonjësit e administratës u përdorën si patronazhistë, u detyruan të sjellin 10 vota secili. Ata u vendosën afër qendrave të votimit të kontrollonin votuesit.

Në një narko-shtet, kryeministri vendosi të përdor licencat e kanabisit për vota.

Ai financoi 7 milonë euro për Giro D’Italia dy ditë para zgjedhjeve. Ai bllokoi Tik-Tok pas liderëve të Kabulit dhe Teheranit, për të mos u kritikuar. Ai përdori prokurimet publike për të blerë vota dhe influencë. Të gjitha këto u reflektuan nga vëzhguesit e OSBE-ODIHR. Ata bënë një raport shumë serioz.

Zgjedhjet ishin një farsë, nëse nuk kthejmë votën e lirë, vendi jonë do të zhduket. Ju falënderoj për mbështetjen që më keni dhënë. Shpresoj në mbështetjen e qeverive të vendeve tuaja”, u shpreh ai.

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion