Thirrjet e ambasadores Yuri Kim, Meta flet për herë parë për Tom Doshin

Presidenti Ilir Meta ka folur për herë të parë për kreun e PSD-së, Tom Doshi pas thirrjeve të ambasadores amerikane, Yuri Kim për të mos lejuar kandidimin e tij në zgjedhjet e 25 prillit. 

Meta është shprehur problemi i vërtetë është Edi Rama dhe jo Tom Doshi. Sipas Metës Rama ka detyruar krijimin e Strukturës për Mbrojtjen e Votës. 

"Pse Nuk flet për Tom Doshin?

-Problemi i Shqipërisë nuk është zoti Tom, problemi i Shqipërisë është Edi Rama. SMV nuk e ka ngritur PD-ja.

E ka ngritur Edi Rama dhe policia e shtetit që nuk zbatojnë ligjin. Policia të mos detyrojë popullin e Beratit të bllokojnë furgonin në Berat. Të mos detyrojë popullin të kapi drejtorin në Bulqizë.

Pra është detyrë e Edi Ramës. Një polic i thjeshtë dhe më i ndershmi është më i fortë se ccdo tjetër. Nëse një polic i ndershëm, të kishte një ministër të ndershëm që do ta ketë së shpejti, ai i bën gjëmën kriminelit më të tmerrshëm."-tha Meta.