PD, postera politikë në hapësirat publike në Shkodër, PS thirrje Voltana Ademit: Janë të paligjshme

Partia Socilaiste Dega Shkodër ka denoncuar disa subjekte politike për afishimin e posterave dhe materialeve informuese zgjedhore në hapësira publike dhe i ka bërë thirrje kryetares së Bashkisë së qyteti, Voltana Ademit të përbush detyrimet ligjore dhe të urdhërojë policinë t’i largojë ato, pasi një gjë e tillë është e paligjshme.

Përmes rrjetit social Facebook, kanë pasqyruar Nenin që parashikon vendet ku ndalohet afishimi i materialeve elektorale dhe i kanë kërkuar Ademit të tregojë për një herë të vetme se është e paanshme kur bëhet fjale për zbatimin e ligjit dhe Kodit Zgjedhor.

“Ne që në krye të herës me nisjen e fushatës zgjedhore, jemi treguar korrektë në respektimin e ligjit por dhe hapësirave publike, ndaj kërkojmë që në përmbyllje të kësaj fushate, ky standart të mos cënohet dhe vetë fushata të mos bëhet pis për banalitete pa vlerë.”, shkruhet në postimit.