Paqja mes PS dhe PD në Sarandë, reagon mjeku: Moj Inë, nuk i jepet dora hajdutit

Mëngjesin e sotëm dy kundërshtarët, PD dhe PS, përkatësisht Ina Zhupa dhe Anila Denaj, u përqafuan, pas fitores së Partisë Socialiste në këtë bashki.

Ky veprim nuk është pritur aspak mirë nga mjeku i mirënjohur, Petrit Vargu. Përmes një postimi në Facebook, mjeku kritikon Inën, duke e kujtuar se nuk i jepet dora hajdutit.

“Moj Inë e vogël që edhe ti do që të bësh politikë! Nuk i jepet dora hajdutit, as në vendet më moderne të botës. Na kanë vjedhur aq sa nuk kanë kurajë të bërtasin “Fitore”.

Duhet të kesh parasysh që i kur i hyn politikës, veprimet nuk janë më individuale, por politike. Prandaj mos u tërhiq nga emocionet. Dhuratën ta bëri partia dhe asaj shtrëngoja dorën fort, jo kundërshtarit që të masakroi në mënyrë të paligjshme”, ka shkruarai.