Dhunuan babë e birë, bien në pranga dy vëllezërit në Librazhd

Policia e Librazhdit ka vënë në pranga dy persona, vëllezër, të cilët akuzohen se kanë dhunuar babë e bir. Sipas policisë, kanë përfunduar në burg shtetasit B. Ç., 46 vjeç, dhe Sh. Ç., 44 vjeç. Shtetasit në fjalë me sende të forta kanë goditur P. Ç., 52 vjeç dhe djalin e tij, shtetasin O. Ç., 20 vjeç. 

Policia bën me dije se shkak për këtë ngjarje është bërë një debat për motive pronësie. Ndërkohë që materialet hetimore i kaluan Prokurorisë Pranë Gjykatës së Shkallës së Parë Elbasan, për veprime të mëtejshme.