Ndërrohen komisionerët në momentin e fundit, “bllokohet” procesi i votimit në një qendër votimi në Elbasan

Në Elbasan, në qendrën e votimit numër 2351, KZAZ numër 50 është “bllokuar” procesi i votimit, për shkak se është bërë ndërrimi i komisionerëve në moment të fundit, gjithashtu, një komisioner ka munguar.

Mësohet se komisionerët janë të subjekteve të PD, PS dhe LSI, ndërsa komisioneri i këtij të fundit, është ai që nuk është paraqitur ende.

Për këtë situatë, kryetari i komisionit të kësaj qendre votimi, Gremi, tha se nuk kanë ende një konfirmim për mungesën e këtij komisioneri.