Presidenti Meta votoi që në mëngjes: Për Kushtetutën, Republikën, demokracinë dhe Shqipërinë në Europë

Që në mëmgjes, presidenti i Republikës, Ilir Meta ka shkuar të votojë. Presidenti, teksa hodhi votën në kuti, u shpreh se se kjo është për Kushtetutën dhe Republikën. "Për Kushtetutën, për Republikën, për demokracinë, për Shqipërinë në Evropë", thërriti ai.

Ndërsa jashtë qendrës së votimit, Meta e cilësoi këtë një ditë të bekuar, ndërsa i bëri thirrje të gjithve që të votojnë kandidatin më të mirë. "Më në fund erdhi kjo ditë e bekuar, kjo ditë e mrekullueshme edhe zoti na ka ndihmuar sot që sovrani ti ketë kushtet sa më të mira për ta shprehur vullnetin e tij.  Barazim para ligjit na e garanton vetëm barazia para votës, çdo qytetar të votojë i lirë. Në këto zgjedhje ka mundësi të votojë për kandidatin më të mirë për alternativën që besojnë. I ftoj të votojnë të lirë. Te alternativa që besojnë të zgjedhin kandidatët më të ndershëm", tha Meta.