"Ka qenë një ditë e gjatë...", Veliaj shpall fitoren e PS në Tiranë

Kryetari i bashkisë së Tiranë, Erion Veliaj doli në një konferencë për shtyp pas mbylljes së votimit për zgjedhjet e përgjithshme parlamentare.

Pas Partisë Demokratike, edhe Veliaj ka shpallur fitoren e Partisë Socialiste.

Ai shtoi se projeksionet e PS, si në Tiranë ashtu edhe në gjithë Shqipërinë, janë më shumë se 72 mandate.

“Shokë, faleminderit shumë, faleminderit shumë. Ka qenë një ditë frymëdhënëse. Ka qenë një ditë e gjatë.

Mezi pres ta çoj deri në fund procesin e numërimit. Të gjitha sondazhet na kanë nxjerrë fitues me 71 mandate.” thotë Veliaj.