Gjendet një fletë votimi tepër, pezullohet numërimi në KZAZ nr 23 në Durrës

Aktualisht në qytetin e Durrësit, KZAZ numër 23 është ndërprerë numërimi i kutive të votave, për shkak se është gjetur një fletë votimi tepër. Mësohet se në procesverbalin e mbajtur pas mbylljet së votimit më 25 prill kanë rezultuar 314 vota, ndërkohë që gjatë numërimit në kuti kanë qenë 315 vota.

Pasi mori njoftimin, KZAZ në fjalë nisi punën duke hapur dhe kutinë e materialeve zgjedhore për të verifikuar ndonjë shënim të mundshëm, por nuk ka pasur. Grupet e punës kanë bërë ankimim tek kryetari i KQZ-së.