Emrat/ Ja kush janë deputetët që garuan në zgjedhjet e 11 majit por modën zero vota!

Politikë

Emrat/ Ja kush janë deputetët që garuan në zgjedhjet e 11

Që prej mbrëmjes së 11 majit, kur votimi përfundoi dhe nisi procesi i numërimit, palestrat e shkollave apo sallat e mëdha ku hapeshin kutitë, ofronin pamjet e kandidatëve të shumtë që në ankth ndiqnin cdo votë. Por nga 1540 kandidatë të përfshirë në listat e hapura, duket se disa prej tyre e kanë parë të gjithën si një lojë, apo ndoshta, kanë pranuar që emri i tyre të futej në listë thjesht si një numër.

Kulmi, është me 52 kandidatë që nuk kanë marrë mundimin të votojnë as veten e tyre, duke shënuar një rekord absolut, me 0 vota. Ngjashëm ka ndodhur dhe me 7 të tjerë, të cilët nuk e kanë mbajtur dot këtë rekord, sepse ua ka prishur, 1 votë për emrin e tyre nga diaspora.

Ndërsa 59 të tjerë, rezultojnë të kenë marrë të paktën 1 votë. Gjë që të lë të kuptosh se mund të kenë votuar vetveten, duke mos dashur të bëhen qesharakë. Një rezuiltat megjithatë dhe ky fort i dhimbshëm, sepse dëshmon se ata nuk i kanë marrë seriozisht as familjarët e tyre të ngushtë, për të mos folur për të tjerët.

Sipas një vëzhgimi që Report Tv i ka bërë rezultatit të garës së hapur, partia me më shumë kandidatë me 0 apo 1 votë, është Aleanca Demokracia e re e Edmond Stojkut, me 59 të tillë.

Këtë parti e pason Lëvizja Atdheu e Kreshnik Osmanit, me 26 kandidatë në lista të hapura që morën 0 dhe 1 votë. Edhe në koalicionin e Dashamir Shehit me Enkeleid Alibeajn, Djathtas 1912, 18 janë kandidatët që duket se nuk e kanë marrë seriozisht garën. 11 prej tyre kanë marrë vetëm nga 1 votë, por 7 të tjerë nuk kanë zgjedhur as veten, duke shënuar zero vota.

Elena Kocaqi me Partinë Aleanca Kombëtare Shqiptare ka 11 kandidatë me 0 dhe 1 vota. Edhe koalicioni Euroatlantik i Lulzim Bashës shënon 3 kandidatë pa mbështetje. 2 kanë nga 1 votë, dhe njëri s’ka mundur të marrë votën e asnjë qytetari, as të vetes.

Me vetëm 1 kandidat që mund të ketë votuar veten pasi ka marrë vetëm 1 votë, është edhe Partia Social Demokrate e Tom Doshit

59 KANDIDATË ME 1 VOTË

52 KANDIDATË ME 0 VOTA

7 KANDIDATË ME 0 VOTA NË VEND, 1 NGA DIASPORA

ALEANCA DEMOKRACIA E RE (Edmond Stojku)

28 kandidatë me 1 votë

27 kandidatë me 0 vota

4 kandidatë me 1 votë në diasporë

LËVIZJA ATDHEU (Kreshnik Osmani)

13 kandidatë me 1 votë

11 kandidatë me 0 vota

2 kandidatë me 1 votë nga diaspora

DJATHTAS 1912 (Dashmir Shehi-Enkeleid Alibeaj)

11 kandidatë me 1 votë

7 kandidatë me 0 vota

PARTIA ALEANCA KOMBËTARE SHQIPTARE – (Elena Kocaqi)

4 kandidatë me 1 votë

6 kandidatë me 0 vota

1 kandidat me 1 votë në diasporë

KOALICIONI EUROATLANTIK (Lulzim Basha)

2 kandidatë me 1 votë

1 kandidat me 0 vota

PARTIA SOCIAL DEMOKRATE (Tom Doshi)

1 kandidat me 1 votë.

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion