“Do futeshin të përndjekurit në grevë”, Veliaj zbulon ‘skenarin’ që fshihej pas protestës në Rinas

Drejtues i fushatës së Partisë Socialiste për Qarkun e Tiranës, Erion Veliaj së bashku me deputetin Xhemal Qefalia është ndalur në takimin elektoral të Njësisë Administrative Dajt.

Në fjalën përpara banorëve të kësaj zone, Veliaj foli edhe për protestën e kontrollorëve në Rinas, duke thënë se opozita e sotme pa asnjë vizion dhe program e vetmja gjë që di të bëjë është bllokimi dhe shkatërrimi.

Veliaj shtoi se ata (opozita) kishte përgatitur një skenar ku do futeshin edhe të përndjekurit në grevë.

“Mos u habisni për atë që bënë në Rinas, se ata për pushtet kanë vrarë njerëz. Rinasi është gjëja më e vogël. Pse habiteni se e lanë miletin 1 javë pa vaksina? Ata s’e kanë problem fare se vetëm në një javë në ’97 u vranë më shumë njerëz se gjithë pandemia. Mos u habisni! Është minimumi që ata mund të bëjnë. Ata kishin përgatitur një skenar ku do fillonte me grevën në Rinas dhe do futeshin edhe të përndjekurit në grevë,” tha Veliaj.