Brenda samitit të NATO-s, Rama i afërt me kryeministrin kanadez, çfarë ndodhi sot në Bruksel

Kryeministri Edi Rama ka ndarë një video nga samiti i NATO-s në Bruksel. Gjatë samitit, kryeministri shqiptar ashtu si edhe liderët e tjerë të vendeve anëtare të NATO-s shihet me maskë, si duket një nga masat kryesore anti-Covid e vendosur nga organizuesit.

Në video, Rama duket mjaft i afërt me kryeministrin kanadez, Justin Trudeau, me të cilin shihet duke biseduar.

Liderët e 30 vendeve anëtare të NATO-s, mes të cilëve edhe Kryeministri Edi Rama ranë sot dakord në Bruksel për të rritur mbrojtjen e përbashkët "kundër të gjitha kërcënimeve dhe nga të gjitha drejtimet". Në deklaratën e Sekretarit të Përgjithshëm për mediat Jens Stoltenberg u bë e ditur së Kina, përbësn sfidën më të madhe për aleancën transatlantike dhe për të parën herë në historinë e organizatës, Kina është përfshirë në listën e vendeve që paraqesin rrezik për sigurinë në botë.

"Ne vazhdojmë të jemi tejet të shqetësuar për mungesën e vazhdueshme të transparencës dhe keqinformimit nga ana e Kinës. Ambiciet dhe sjellja e Kinës paraqesin sfida sistematike ndaj rendit ndërkombëtar të bazuar në rregulla dhe në fushat e rëndësishme për sigurinë e Aleancës", tha Stoltenberg.