Axhenda e punimeve të Kuvendit. Nga shkarkimi i Presidentit te vaksinat çfarë parashikohet të martën

Gjatë ditës së martë të javës së ardhshme pritet të mblidhet Kuvendi i Shqipërisë  me deputetët e legjislaturës së shkuar.

Në axhendën e punimeve të Kuvendit parashikohet miratimi i një sërë marrëveshjeve kryesisht ato për vaksinat anticovid, ku një pjesë e tyre kanë mbërritur tanimë në Shqipëri.

Pesë nga pikat e rendit të ditës është miratimi i marrëveshjeve me kompaninë turke “Keymen Ilaç Sanay ve Ticaret”, për furnizimin e me vaksina anticovid kineze dhe një kompanie tjetër për furnizimin me vaksina ruse Sputnik V.

Pjesa tjetër e ligjeve janë kryesisht dekrete të Presidentit të Republikës. Në seancën e Kuvendit të 4 prillit nuk parashikohet ndonjë nismë për shkarkimin e Presidentit të Republikës, siç kanë paralajmëruar socialistët.