Albin Kurti voton për herë të parë në Shqipëri: Respektoni atdheun

Ka votuar për herë të parë në Shqipëri Albin Kurti, kryeministri i Kosovës. Kurti votoi në kopshtin 31, në zonën e ish-Bllokut në Tiranë. Kujtojmë se në qarkun e Tiranës, nga radhët e Lëvizjes Vetëvendosje kandidon si i pavaruar, Bojken Abazi. Po ashtu, LVV ka garues edhe në Gjirokastër e Lezhë.

“Dita e zgjedhjeve është ditë e demokracisë, i ftoj qytetarët që të respektojnë Atdheun duke votuar dhe duke bërë zgjedhjen më të mirë sipas parimeve. Dita është e bukur, me diell, e diel dhe do jetë deri në mbrëmje.” u shpreh Kurti në një prononcim për mediat.