Agron Shehaj sulmon Bashën: Nuk e besojnë shqiptarët, bëri aq sa mundi dhe...

Kandidati për kryetar të Partisë Demokratike, Agron Shehaj, ka folur mbrëmjen e sotme për humbjen e zgjehdjeve të 25 prillit.

Ai tha në emisionin “Të Paekspozuarit” se Lulzim Basha bëri sa mundi, por nuk arriti të fitonte besimin e shqiptarëve, teksa shtoi se nuk ka asgjë personale me kryedemokratin.

“Ne nuk na besuan shqiptarët, lidershipin nuk e besuan. Mendoj se Lulzim Basha bëri sa mundi të bëhej kryeministër, por nuk ia doli. Nuk vë në dyshim që ai ka bërë maksimumin. Unë nuk kam asgjë personale me Lulzim Bashën”, tha Shehaj.

I pyetur nga gazetari Ylli Rakipi për deklaratën e Agron Gjekmarkajt, i cili tha se “PD nuk është call center”, Shehaj tha se e injoron Gjekmarkajn dhe i ftoi të gjithë ata që janë ndjerë të fyer që ta injorojnë deputetin e ri të PD-së.

“Nuk më habit dhe e injoroj. I ftoj të gjithë ata që mund të ndihen të fyer që ta injorojnë. Me Gjekmarkajn nuk flas”, u shpreh ai.