Makina del nga rruga në bypass-in e Fierit, drejtuesi i mjetit transportohet në spital

Aktualitet

Makina del nga rruga në bypass-in e Fierit, drejtuesi i mjetit

Një aksident ka ndodhur pasditen e kësaj të premte në bypass-in e Fierit, në segmentin “Mbikalimi i Memorialit”, në drejtim të Levanit.

Sipas informacioneve paraprake, një automjet tip “Opel Astra” ka dalë nga rruga dhe ka përfunduar jashtë karrexhatës, në anë të rrugës. Nga pamjet e siguruara në vendngjarje, automjeti ka pësuar dëmtime të konsiderueshme.

Pas aksidentit, në vendngjarje kanë mbërritur shërbimet e Policisë dhe ambulanca, të cilat kanë dhënë ndihmën e parë. Drejtuesi i automjetit ka mbetur i dëmtuar dhe është transportuar drejt Spitalit Rajonal të Fierit, ku po merr trajtimin e nevojshëm mjekësor.

Ndërkohë, shërbimet në terren kanë monitoruar një pjesë të rrugës për garantimin e sigurisë dhe menaxhimin e lëvizjes së automjeteve.

Grupi hetimor ka nisur veprimet për dokumentimin e ngjarjes dhe përcaktimin e rrethanave të aksidentit.

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion