Aksioni në Ministrinë e Mbrojtjes/ Nufi në zyrë me ambasadorin amerikan, a e dinte SPAK-u për takimin “kokë më kokë"?

Politikë

Aksioni në Ministrinë e Mbrojtjes/ Nufi në zyrë me

SPAK-u zbarkoi mesditën e kësaj të premteje në Ministrinë e Mbrojtjes, në kuadër të hetimeve për çështjen KAYO. Agjentët e Byrosë Kombëtare të Hetimit, nën drejtimin e prokurorëve të SPAK-ut, kryen kontrolle në ambientet e ministrisë, ku sipas raportimeve janë sekuestruar dokumente që lidhen me objektin e hetimit.

Por në të njëjtën kohë që agjentët e BKH-së ndodheshin në Ministrinë e Mbrojtjes, ministri Ermal Nufi ishte në zyrën e tij në një takim me ambasadorin e ri amerikan në Shqipëri, Eric Wendt.

Vetë ministri e bëri publik takimin përmes një postimi, ku vuri theksin te marrëdhëniet mes Shqipërisë dhe Shteteve të Bashkuara në fushën e mbrojtjes dhe sigurisë.

Pra në të njëjtën kohë kur në ambientet e ministrisë zhvillohej aksioni i SPAK-ut, në zyrën e ministrit zhvillohej një takim kokë më kokë me përfaqësuesin e ri diplomatik të SHBA-së në Tiranë.

Mbetet e paqartë nëse SPAK-u ishte në dijeni paraprakisht për takimin e ministrit Nufi me ambasadorin amerikan dhe nëse agjencia hetimore kishte informacion për praninë e tij në ministri në momentin kur u zhvilluan kontrollet.

Aksioni i kësaj të premteje është pjesë e hetimeve të nisura pas publikimit të audiopërgjimeve nga ish-zëvendëskryeministri Arben Ahmetaj, në të cilat ngrihen pretendime për trafik ndërkombëtar armësh dhe për persona e kompani të lidhura me sektorin e industrisë së mbrojtjes.

Krahas Ministrisë së Mbrojtjes, kontrolle janë kryer edhe në ambiente të tjera private, mes tyre në banesën e biznesmenit Ron Yeffet. Hetimi i SPAK-ut vijon, ndërsa materialet dhe pajisjet e sekuestruara gjatë kontrolleve pritet t’i nënshtrohen ekspertimit.

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion