Kriza në sistemin e drejtësisë, trupa e avokatëve diskuton sot hapat e ardhshëm dhe vijimin e mundshëm të protestës

Këshilli i Përgjithshëm i Dhomës së Avokatisë do të mblidhet sot në mesditë për të vendosur lidhur me vijimin e bojkotit të seancave gjyqësore në Gjykatën e Posaçme kundër Korrupsionit dhe Krimit të Organizuar (GJKKO).

Mbledhja vjen pas vendimit të Gjykatës së Apelit Administrativ, e cila pezulloi vendimin e Dhomës së Avokatisë për bojkotimin e seancave gjyqësore.

Këshilli i Përgjithshëm pritet të shqyrtojë situatën e krijuar dhe të vendosë për hapat e mëtejshëm të avokatëve, nëse do të vijojnë bojkotin apo do t’i rikthehen pjesëmarrjes në proceset gjyqësore në GJKKO.