Kosova merr medaljen e shtatë në Lojërat Mesdhetare, Islam Selmani në finale për të artën

Islam Selmani ka siguruar medaljen e shtatë për Kosovën në Lojërat Mesdhetare “Taranto 2026”, duke i dhënë një tjetër moment historik edhe karatesë kosovare.

Ai është kualifikuar në finale dhe tani do të luftojë për medaljen e artë.

Selmani ka vazhduar me paraqitje të shkëlqyeshme në Taranto, duke arritur deri në finalen e kategorisë deri në 60 kilogramë dhe duke siguruar kështu të paktën medaljen e argjendtë për Kosovën.

Kjo është medalja e parë e Kosovës në karate në këtë edicion të Lojërave Mesdhetare dhe e shtata në total.

Përveç Donjeta Sadikut, që fitoi të artën në boks, medaljet për Kosovën i kanë fituar Laura Fazliu të argjendtë, si dhe Akil Gjakova, Flaka Loxha, Fatjona Kasapi dhe Shpati Zekaj me medalje të bronzta.

Tashmë, Selmani është vetëm një luftë larg të artës.