Konflikt pranë stadiumit Air Albania, të rinjtë përleshen me flakadanë, tymi pushton zonën

Një grup të rinjsh janë konfliktuar me njëri-tjetrin pranë stadiumit Air Albania në kryeqytet. 

Në vendngjarje ka shkuar menjëherë policia. Uniformat blu janë vënë në ndjekje të personave të përfshirë në sherr.

Mediat kanë siguruar pamjet ku shihet se të rinjtë konfliktohen me njëri-tjetrin me flakadanë.

Kjo ngjarje ka shkaktuar kaos. Tymi ka pushtuar zonën duke krijuar dhe problematikë për automjetet që kalojnë në atë zonë.  

Ende nuk dihet arsyeja e konfliktit. Pritet një reagim zyrtar nga autoritetet.