Dalin detaje nga ngjarja në Shkodër, i plagosuri është këngëtar, po perfomonte në lokal

Të tjera detaje janë zbardhur në lidhje me plagosjen e ndodhur paraditen e sotme në fshatin Shtoj të Shkodrës. Mësohet se plagosuri Taulant Hoti është këngëtar në lokalin ky u plagos.

Po pinte kafen e mëngjesit kur papritur një person me maskë si ato që përdoreshin në kohën e Covidit, është afruar dhe e ka qëlluar nga pas shpine duke e lënë të plagosur.

Janë të paqarta arsyet. Policia po punon për identifikimin e autorit të dyshuar.

Me heret, policia konfirmoi ngjarjen.

Shkodër/Informacion paraprak

Rreth orës 10:40, në fshatin Shtoj, dyshohet se në ambientet e jashtme të një lokali, një shtetas ende i paidentifikuar ka plagosur me armë zjarri, në këmbë, shtetasin T. H., i cili është dërguar në spital dhe po merr ndihmë mjekësore. 

Shërbimet e Policisë kanë shkuar menjëherë në vendngjarje dhe po punojnë për identifikimin dhe kapjen e autorit të dyshuar. 

Grupi hetimor, në drejtimin e Prokurorisë, vijon punën për zbardhjen dhe dokumentimin e rrethanave të rastit.