Çfarë ndodhi mes Rozana Radit dhe Jonida Maliqit? Ashpërsohen tonet mes dy këngëtareve

Një deklaratë e Jonida Maliqit në emisionin “Goca dhe Gra” ka tërhequr vëmendjen, pasi këngëtarja përmendi emrin e Rozana Radit kur u pyet se cilin artist konsideronte të mbivlerësuar.

E ftuar në studio, Jonida Maliqi u pyet për një artist që, sipas saj, është i mbivlerësuar. Në përgjigjen e saj, ajo zgjodhi të përmendte një emër të njohur të skenës shqiptare, atë të Rozana Radit.

“Më shkon mendja te një vajzë që ka qenë pjesë e panelit. Sigurisht që e vlerësoj për artisten që është, për poeten, për aktoren që është, por vokalisht nuk e vlerësoj dhe mendoj që është e mbivlerësuar. Ajo është Rozana Radi”, u shpreh Maliqi.

Deklarata nuk ka kaluar pa një reagim nga vetë Rozana Radi, e cila ka zgjedhur t'i përgjigjet përmes një postimi në Instagram Story.
Pa e përmendur drejtpërdrejt Jonidën, Rozana ka publikuar një mesazh ironizues, ku shkruan:

“Sikur një këngë e jotja të merrte aq klikime sa merr një video ku përmendem unë, do të ishte film! Suksese ❤️”

Një përgjigje që duket se i referohet drejtpërdrejt deklaratës së Jonidës, mbetet për t'u parë nëse kjo përballje do të vijojë me të tjera replika nga dy këngëtaret.