Gurë dhe molotov në drejtim të Kryeministrisë dhe policisë, efektivët përgjigjen me ujë

Vijojnë tensionet dhe përplasjet para Kryeministrisë mes protestuesve dhe policisë.

Menjëherë pas mbërritjes në Bulevardin “Dëshmorët e Kombit”, një grup protestuesish kanë nisur shkuljen e pllakave të trotuarit dhe kanë filluar të godasin në drejtim të policisë dhe godinës.

Po ashtu, nga ana e protestuesve është hedhur edhe molotov.

Ndërkohë, policia është përgjigjur me ujë. Aktualisht, protestuesit vijojnë të jenë të grumbulluar.