Sherr mes dy personave në Vlorë, policia qëllon në ajër për të ndaluar njërin

Një përplasje e fortë ka ndodhur mes dy personave mbrëmjen e sotme në qytetin e Vlorës. Pas njoftimit, forcat e policisë kanë mbërritur menjëherë në vendngjarje.

Gjatë tentativës për të ndaluar njërin prej personave, policia ka qëlluar me armë zjarri në ajër.

Personi është larguar nga vendi i ngjarjes, por është ndaluar nga policia disa metra më tutje, në zonën e Ujit të Ftohtë.