Vodhi 530 mijë euro çanta në shtëpinë e prezantueses holandeze, dënohet “skifteri” shqiptar

Bota

Vodhi 530 mijë euro çanta në shtëpinë e prezantueses

Prezantuesja dhe modelja holandeze Sylvie Meis, e cila jeton në Gjermani, ishte e pranishme në seancën gjyqësore për vjedhjen e ndodhur në banesën e saj luksoze në Hamburg, gjatë verës së vitit 2023, në kohën kur ajo ndodhej me pushime në Ibiza.

Sipas hetimeve të Policisë së Hamburgut, në vjedhje u përfshi një grup autorësh nga Shqipëria, ndërsa një prej tyre, shtetas shqiptar, u arrestua dhe u nxor para gjykatës. Autorët hynë me forcë në apartamentin e saj në katin e pestë të godinës, duke vjedhur 22 çanta luksoze me vlerë rreth 530 mijë euro.

Sylvie Meis mori pjesë në seancë dhe ushtroi të drejtën e fjalës, duke folur për pasojat psikologjike të ngjarjes. Ajo deklaroi se, pavarësisht dëmshpërblimit nga siguracioni, vazhdon të përjetojë frikë, ankth dhe sulme paniku.

Autori i arrestuar, 42-vjeçari Ermal M., u dënua me katër vite burg. Ai kërkoi falje në gjykatë, duke pretenduar se kishte rol dytësor në vjedhje. Prezantuesja theksoi se ngjarja ka ndikuar edhe tek djali i saj 19-vjeçar.

Pas përfundimit të procesit gjyqësor, Sylvie Meis po përpiqet të rikthehet në jetën e përditshme, megjithëse vijon të përballet me pasoja emocionale nga ngjarja.

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion