VIDEO/ Sulmi i SHBA-së trondit Caracas-in, panik dhe gjendje e jashtëzakonshme në Venezuelë!

Gjatë orëve të fundit, Karakasi ndodhet në gjendje shoku dhe kaosi, pas sulmit të ndërmarrë nga Shtetet e Bashkuara.

Shpërthime janë dëgjuar në disa lagje të kryeqytetit, ndërsa pamjet e publikuara pasqyrojnë frikën dhe shkatërrimin e shkaktuar.

Qeveria e Venezuelës e ka dënuar sulmin duke e cilësuar si një “veprim ushtarak jashtëzakonisht të rëndë”, ndërsa ka shpallur gjendje të jashtëzakonshme në të gjithë vendin. Ndërkohë, presidenti amerikan Donald Trump ka deklaruar se Nicolás Maduro është arrestuar dhe ndodhet jashtë Venezuelës.

Nga videot dhe fotot që po qarkullojnë në rrjetet sociale, shihen skena paniku pas shpërthimeve të sulmit amerikan, me re të dendura tymi të zi që ngrihen mbi objekte ushtarake, ndërsa ndërprerjet e energjisë elektrike raportohen të jenë të gjera.

Frika është e përhapur dhe qytetarët përpiqen të gjejnë strehim ose të kuptojnë përmasat reale të situatës.

Prania ushtarake në qytet është shtuar ndjeshëm, me ushtrinë dhe forcat e armatosura që patrullojnë pikat kryesore të Karakasit.