Tre të vdekur nga shembja e një ndërtese - Një foshnjë e porsalindur midis viktimave

Një familje me tre anëtarë vdiq dhe tre të tjerë u plagosën në shembjen e një ndërtese në Soweto, në perëndim të Johanesburgut, në orët e para të së dielës (28 dhjetor). Midis viktimave ishte një foshnjë njëvjeçare.

Sipas autoriteteve lokale dhe shërbimeve të emergjencës, gjithsej gjashtë persona ndodheshin brenda ndërtesës në kohën e shembjes.

Ekipet e shpëtimit mbërritën në vendngjarje dhe arritën të nxirrnin të plagosurit e bllokuar nën rrënoja.

"Fatkeqësisht, tre persona humbën jetën: dy gra të rritura dhe një fëmijë. Incidenti është nën hetim", tha një zëdhënës i Shërbimeve të Menaxhimit të Emergjencave të Johanesburgut.

Kujtohet se më 12 dhjetor, një ndërtesë tjetër u shemb në Durban, duke vrarë pesë persona.