Tavolinë ari e palestër, brenda avionit luksoz të Putin, me të cilin fluturoi drejt Zvicrës

Presidenti i Rusisë, Vladimir Putin fluturoi drejt Zvicrës me një avion luksoz, për të marrë pjesë në takimin me homologun amerikan, Joe Biden.

Mjeti i tij fluturues ka vlerë 390 milionë paund.

Në brendësi të tij ndodhen një tavolinë mbledhjes, e zbukuruar me ar, dhoma gjumi, një palestër, një bar ku mund të gjesh çdo gjë si edhe është i pajisur me një sistem të avancuar të komunikimit.

Kjo gjë e lejon avionin të shërbejë si një qendër menaxhimi për të komanduar trupat gjatë luftimeve.

Dekori i brendshëm i avionit ka një stil neoklasik dhe është prodhuar nga Shoqata e Prodhimit të Avionëve “Voronezh”.

Putin është raportuar të ketë bërë më shumë milje ajrore me avion sesa të gjithë udhëheqësit e tjerë rusë së bashku.