Si në filma, grabitësit sulmojnë furgonin e blinduar në mes të Italisë
Persona të armatosur sulmuan një makinë të blinduar që transportonte sende me vlerë në një autostradë mes Modenës e Bolonjës duke lënë pas një skenë të vërtetë krimi, të ngjashme me ato që shihen në filmat aksion.
Sipas policisë, agresorët kishin vendosur gozhdë në mes të rrugës për të ndaluar trafikun, nën kërcënimin e armës ata zbritën disa persona nga makinat e tyre dhe i vunë flakën për të bërë diversion.
Merr lajme ekskluzive në Whatsapp
Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.
Gjithashtu, ata detyruan dhe shoferët e dy kamionëve të kthenin makinat, për të bllokuar qarkullimin.
Megjithatë, diçka në planin e grabitësve nuk shkoi mirë dhe ata nuk arritën të merrnin asgjë nga furgoni i blinduar.
Ata u larguan me shpejtësi në drejtim të Bolonjës dhe policia ka nisur një operacion të gjerë për kapjen e tyre.