SHBA i vjen në ndihmë vendeve në nevojë, dhuron 60 milionë vaksina AstraZeneca

Një lajm i fundit ka ardhur nga SHBA, ku bëhet me dije se do u vijnë në ndihmë vendeve në ndihmë, duke u dhuruar 60 milionë doza të vaksinës AstraZeneca kundër COVID-19, muajt e ardhshëm.

Mësohet se Shtëpia e Bardhë po ndihet gjithnjë më e sigurt për furnizimin e tre vaksinave të administruar nga SHBA, sidomos për “J&J” e cila merret përmes një doze. Ndërkohë kujtojmë se SHBA, në javët e fundit kanë qenë nën presionin e shpërndarjes së vaksinave për vendet të cilat kanë nevojë, si India e cila po përjeton një rritje të ndjeshme të rasteve të infektimeve dhe viktimave nga COVID-19.

Për këtë situatë ka folur koordinatori i Shtëpisë së Bardhë për COVID-19, Jeff Zients. “Duke pasur parasysh numrin e madh të vaksinave kundër COVID-19 që administron dhe posedon SHBA dhe pasi AstraZeneca nuk është autorizuar për përdorim, ne nuk kemi nevojë për përdorimin e saj. SHBA do t shpërndajë dozat e saj për vendet e tjera”, shtoi ai

SHBA megjithëse është vendi i parë në botë në “listën e zezë” të viktimave nga COVID-19, ka vaksinuar më shumë se 53% të popullsisë të paktën me një dozë nga tre vaksinat e administruara prej saj, Pfizer, Moderna dhe së fundmi “J&J”.