Rezultat i ngushtë, PS “mund” PD në Kavajë me 223 vota më shumë

Komisioni Qëndror i Zgjedhjeve ka publikuar rezultatet fituese në Kavajë. Më herët u bë me dije se fituesja ishte Partia Socialiste. Ndërkaq, KQZ bën me dije se PS fitoi me 10.338 vota, 223 vota më shumë se Partia Demokratike. Kjo e fundit ka marrë në Kavajë 10115 vota, ndjekur nga LSI me 1.118 vota.

Kavaja është pjesë në qarkun e Tiranës, dhe sipas projeksioneve të deritanishme në rang kombëtar, Partia Socialiste ka siguruar 18 mandate, Partia Demokratike 15, Lëvizja Socialiste për Integrim 2 dhe Partia Social Demokrate 1.