“Portugalia, miraton projektligjin që ‘kufizon’ aksesin e adoleshentëve në rrjetet sociale

Prindërit do të përdorin një mekanizëm identifikimi celular për të dhënë pëlqimin e tyre

Parlamenti Portugez miratoi për heër të parë një projektligj që kërkon pëlqimin e qartë prindëror për aksesin në platformat e mediave sociale nga adoleshentët e moshës 13 deri në 16 vjeç.

Kjo është një nga nismat e para legjislative në Evropë që vendos kufizime të tilla.

Projektligji mund të ndryshohet para votimit përfundimtar për miratimin e tij.

Autorët e projektligjit, anëtarë të Partisë Social Demokrate në pushtet, theksojnë se masa është e nevojshme për të mbrojtur fëmijët nga ngacmimi online, përmbajtja e dëmshme dhe të gjitha llojet e grabitqarëve që fshihen.

Një mekanizëm identifikimi celular (Digital Mobile Key) do t’u lejojë prindërve të zgjedhin nëse do të japin apo jo pëlqimin e tyre, duke ndihmuar gjithashtu në zbatimin e ndalimit aktual për fëmijët nën 13 vjeç që hyjnë në mediat sociale, platformat e ndarjes dhe luajtjes së videove ose fotove, dhe shërbimet e basteve online.

Në janar, Asambleja Kombëtare Franceze miratoi një projektligj që u ndalon fëmijëve nën 15 vjeç të hyjnë në platformat e mediave sociale, mes shqetësimeve në rritje në lidhje me ngacmimin kibernetik dhe rreziqet e shëndetit mendor.

Në dhjetor, Australia u bë vendi i parë në botë që u ndaloi fëmijëve nën 16 vjeç të hyjnë në platformat e mediave sociale, duke përfshirë Facebook, Snapchat, TikTok dhe YouTube./.protothema