Ndalesa e parë në Britani, Biden shfaqet premtues: Do t’i përgjigjemi veprimeve armiqësore nga Rusia

Presidenti i SHBA-ve, Joe Bide, ndalesën e parë në Europë, e ka në Britaninë e Madhe. Ai e nis fjalimin me vendosshmërinë për të përballur vështirësitë e së ardhmes, por, nuk la pa përmendur Rusinë. “Amerika është rikthyer, demokracitë janë bashkuar për të përballuar sfidat e së ardhmes.

Ne do t’i përgjigjemi veprimeve armiqësore nga Rusia. Ne nuk po kërkojmë konflikt por një marrëdhënie të qëndrueshme me Rusinë. Unë do të riafirmoj angazhimin e SHBA-së për mbrojtjen e ndërsjellë të vendeve të NATO-s”, tha Biden.

Biden do qëndrojë në Europë për 8 ditë, ku pritet të takojë edhe presidentin rus, Vladimir Putin. Ndërsa të dielën do të marrë pjesë në samitin e G7 për të diskutuar rreth ndryshimit të klimës, rritjen e zinxhirëve ndërkombëtarë të furnizimit dhe teknologjinë.