Marinarja e re akuzohet për bllokimin e anijes në Kanalin e Suezit

Marwa Elselehadar është një marinare e re, por është tronditur nga thashethemet se ajo është fajtore për bllokimin e kanalit të Suezit.

29-vjeçarja, kapitene e parë egjiptiane e anijes, mbeti e habitur. “Më duket se dikush po më akuzon mua për bllokimin e anijes në Kanalin e Suezit, ndoshta sepse unë jam një grua e suksesshme në këtë biznes ose sepse jam egjiptiane”, i tha ajo BBC-së duke komentuar artikuj të rremë në gjuhën angleze që pretendohet se filluan të shfaqeshin në Arab News, duke e akuzuar atë për  bllokimin e anijes Ever Given në Kanalin Suez, transmeton Telegrafi.

Lajmi shumë shpejt filloi të përhapet në rrjetet sociale, por shumë shpejt u bë e qartë se ishte një fotomontazh.

Marwa nuk ishte aty afër vendit të bllokimit. Si oficere e parë, ajo ishte në bordin e Aida IV, qindra milje larg në Aleksandri, por kishte frikë se lajmet e rreme mund të ndikonin në të ardhmen e saj në një profesion të dominuar nga meshkujt, tha ajo. Nga të gjithë detarët e botës, vetëm dy për qind janë gra, sipas Organizatës Ndërkombëtare të Detare.

“Ky artikull i rremë në anglisht është përhapur në vende të tjera. Unë kam bërë një përpjekje të madhe për të mohuar atë që thotë, sepse ndikon në reputacionin tim dhe përpjekjen që bëra për të qenë aty ku jam tani”, thotë Marwa, e cila gjithashtu shkruajti se ishte diplomuar nga Akademia Detare, megjithëse në atë kohë merrnin pjesë vetëm burra.