Makina përplas turmën gjatë festivalit në Louisiana, 20 të plagosur dhe pesë në gjendje kritike

Një makinë goditi një turmë pjesëmarrësish gjatë një festivali që festonte Vitin e Ri Budist në New Iberia, Louisiana, duke lënë të plagosur të paktën 20 persona, pesë prej të cilëve në gjendje të rëndë.

Shoferi, 57-vjeçari Todd Landry, është arrestuar dhe akuzohet për drejtim mjeti në gjendje të dehur dhe shkaktim të lëndimeve trupore nga pakujdesia.

Testi i alkoolit tregoi një përqendrim prej 0.137%, mbi limitin ligjor amerikan prej 0.08%.

Autoritetet thanë se nuk ka tregues që incidenti të ketë qenë i qëllimshëm, ndërsa hetimet për rrethanat e ngjarjes vijojnë.

Viktimat janë dërguar në spitale lokale për trajtim, ndërsa komuniteti po përpiqet të menaxhojë pasojat e aksidentit.