Lufta me Covid-19, raportohen 4 milionë të vdekur për një vit

Covid-19 vijon të shkaktojë vdekje masive në botë, ndërsa mësohet se numri ka kaluar 4 milionë. Por, krahasauar me fillimin, numri i vdekjeve po ulet. Njëkohësisht po vazhdon fushata e vaksinimit, që është shpresa e vetme për të mundur virusin.

Varianti Delta është bërë aktualisht lloji dominues i virusit në të gjithë botën. Sipas një analize të publikuara nga agjencia e lajmeve Reuters, u desh mbi një vit që numri i të vdekurve nga COVID-19 të arrinte në 2 milionë njerëz, ndërsa 2 milionë vdekjet pasuese u regjistruan në vetëm 166 ditë.

Shtetet e Bashkuara, Brazili, India, Rusia dhe Meksika, kanë rreth 50% të të gjitha vdekjeve në botë, ndërsa Peruja, Hungaria, Bosnja, Republika Çeke dhe Gjibraltari kanë nivelin më të lartë të vdekjeve për nga numri i popullsisë.