Kjo vajzë fle për 13 ditë me radhë, njihuni me "bukuroshen e fjetur" të jetës reale

Bota

Kjo vajzë fle për 13 ditë me radhë, njihuni me

Një vajzë 17-vjeçare nga Indonezia, e cila herë pas here bie në gjumë për disa ditë, është quajtur ‘Bukuroshja e Fjetur e jetës real.

Echa, e cila vjen nga Banjarmasin, në rajonin e Jugut të Kalimantan të Indonezisë, u shfaq për herë të parë në lajme në vitin 2017, kur media lokale shkruajti se ajo flinte 13 ditë me radhë.

Ajo që nga ajo kohë ka përjetuar dy episode shqetësuese, një herë kur flinte për një ditë e gjysmë dhe një herë të dytë javën e kaluar, kur gjendja e saj u përkeqësua dhe ajo ra në gjumë për më shumë se një javë. Prindërit e saj e çuan në spital, por testet nuk treguan asgjë të pazakontë.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Adoleshentja u zgjua pas nëntë ditësh, por mjekët thonë se ajo është ende e dobët dhe askush ende nuk e di se çfarë po e shkakton gjendjen e saj.

Simptomat sugjerojnë që ajo vuan nga hipersomnia, një gjendje e rrallë neurologjike që bën që të sëmurët të ndjehen tepër të përgjumur gjatë ditës dhe mund të flenë për ditë me radhë.

Hipersomnia ndodh në shumë forma dhe ka shumë shkaqe të mundshme, nga dëmtimi neurologjik te faktorët gjenetikë dhe trauma fizike ose emocionale.

Babai i saj Mulyadi tha se ai u përpoq ta zgjonte disa herë, por pa rezultat. Interesante, vajza thuhet se përtyp dhe gëlltit ushqimin në gjumë nëse prindërit e ushqejnë atë, dhe bëhet e shqetësuar kur i duhet të shkojë në tualet. Mulyadi tha se urinoi kur e çuan në banjë.

Aktualisht nuk ka një kurë të njohur për sindromën e ‘Bukuroshes së Fjetur’, por prindërit e saj shpresojnë që simptomat e saj të paktën të lehtësohen, kështu që ajo të mund të bëjë një jetë pak a shumë normale.

ME TE LEXUARAT