Ishin fshehur në tren, qeni gjurmues zbulon pesë shqiptarët në Holandë

Mëngjesin e ditës së sotme forcat policore në Holandë, “Royal Marechaussee” zbuluan pesë shqiptarë të cilët ishin fshehur në tren.

Në prangat e policisë Holandeze ra edhe një 33-vjeçar nga Polonia i akuzuar për trafikim të njerëzve.

Bëhet me dije se pesë shqiptarët u kapën këtë mëngjes, pasi u zbuluan nga qeni nuhatës i Policisë.

Ky nuk është rasti i parë që “Royal Marechaussee” në bashkëpunim me Policinë Kombëtare holandeze godasin trafikim të njerëzve.

Javën e kaluar një grua bashkë me fëmijën e saj të cilët po udhëtonin drejt Anglisë me pasaportën e dikut tjetër u ndalun në kufi. Ata ishin të shoqëruar nga një burrë Polonia, i cili u arrestuan nën akuzën “Trafikim të njerëzve”.