Hantavirusi s`është gjë e re, prej tij humbën jetën aktori i njohur dhe gruaja e tij në 2025

Shpërthimi i hantavirusit i zbuluar në anijen turistike MV Hondius , i cili ka shkaktuar raste të dyshuara infeksioni dhe vdekjesh, për ditë të tëra e ka kthyer vëmendjen te virusi i aftë të kalojë nga brejtësit te njerëzit.

Gjashtë vjet pas fillimit të pandemisë Covid-19, ai ka ringjallur frikën dhe i ka lënë njerëzit me plagë që ende nuk janë shëruar plotësisht.

Por kjo nuk është realisht e re: virusi kishte qenë tashmë në qendër të vëmendjes globale një vit më parë, në dimrin e vitit 2025, kur kontribuoi në vdekjen e aktorit fitues të çmimit Oscar, Gene Hackman, 95 vjeç, dhe gruas së tij Betsy Arakawa, 65 vjeç, të cilët u gjetën të mumifikuar në vilën e çiftit në Santa Fe, New Mexico.

Sipas hetimeve mjeko-ligjore, Arakawa vdiq më 11 shkurt 2025, nga sindroma pulmonare e shkaktuar nga një infeksion serioz respirator i shkaktuar nga kontakti me brejtës të infektuar: hantavirus.

Aktori fitues i çmimit Oscar vdiq disa ditë më vonë nga pamjaftueshmëria kardiake e përkeqësuar nga sëmundja e avancuar e Alzheimerit.

Pamjet e kamerave të trupit, ndër të tjera, zbuluan një detaj që e bëri më të lehtë lidhjen e incidentit me virusin: praninë e përhapur të brejtësve në pronë. 
Rasti i trajnerit austriak
Një episod tjetër, që daton që nga viti 2012, përfshinte një figurë të njohur, por trajneri austriak  Ralph Hasenhuttl ia doli shumë më mirë.

Sipas vetë Hasenhuttl, virusi e goditi papritur  ndërsa pastronte tarracën në shtëpinë e tij. Simptomat e rënda filluan menjëherë pas kësaj: "Dilja nga shtrati ishte një përpjekje e madhe, frymëmarrja ndihej e pamundur .

Kisha dhimbje në të gjithë trupin, një ndjenjë lodhjeje që nuk e kisha ndjerë kurrë më parë", tha trajneri, duke shtuar se kishte frikë nga më e keqja.

Por për fat të mirë, në rastin e tij, ndërhyrja e shpejtë e mjekëve i shpëtoi jetën: "Ndihma e tyre ishte themelore. Pa mbështetjen e tyre të vazhdueshme, nuk e di çfarë do të kisha bërë."